యువత కోసం నాలుగు కొత్త పాలసీలు తీసుకొచ్చిన ఎల్ఐసీ.. పూర్తి వివరాలివే..

 ప్రభుత్వ రంగ జీవిత బీమా సంస్థ ఎల్ఐసీ కొత్తగా నాలుగు టర్మ్ ఇన్సూరెన్స్ పాలసీలను తీసుకొచ్చింది. యువతను లక్ష్యంగా చేసుకుని వీటిని రూపొందించింది. ఎల్ఐసీ యువ టర్మ్, ఎల్ఐసీ డిజి టర్మ్, ఎల్ఐసీ యువ క్రెడిట్ లైఫ్, ఎల్ఐసీ డిజి క్రెడిట్ లైఫ్ పేర్లో వీటిని లాంఛ్ చేసింది. అకాల మరణం సంభవించినప్పుడు ఫ్యామిలికీ ఆర్థిక సాయం అందించడం, రుణాల తిరిగి చెల్లింపులో భద్రత కల్పించడం కోసం ఈ ప్లాన్లను తీసుకొచ్చినట్లు ఎల్ఐసీ ప్రకటనలో తెలిపింది.

యువ టర్మ్, యువ క్రెడిట్ లైఫ్ పాలసీలను ఆఫ్ లైన్ కస్టమర్ల కోసం, యువ డిజి టర్మ్, డిజి క్రెడిట్ లైఫ్ పాలసీలను ఆన్ లైన్ కస్టమర్ల కోసం ప్రత్యేకంగా రూపొందించినట్లు ఎల్ఐసీ తెలిపింది. ఈ పాలసీలకు సంబంధించిన వివరాలు ఇప్పుడు చూద్దాం.

యువ టర్మ్, డిజి టర్మ్

ఎల్ఐసీ యువ టర్మ్, డిజి టర్మ్ అనేది నాన్ పార్, నాన్ లింక్డ్, లైఫ్, ఇండివిజువల్, ప్యూర్ రిస్క్ ప్లాన్. ఇది పాలసీ వ్యవధిలో దురదృష్టవశాత్తూ పాలసీదారుడు మరణిస్తే అతని కుటుంబానికి ఆర్థిక రక్షణను అందిస్తుంది. ఈ పాలసీకి ఎలాంటి ప్రయోజనాలు ఉండవు. మరణం సంభవిస్తేనే ఆర్థిక సాయం కుటుంబానికి అందుతుంది. అధిక సమ్ అష్యూర్డ్ రిబేట్ ఉంటుంది. మహిళలకు తక్కువ ప్రీమియం ఉంటుంది.

పాలసీదారుని కనీస వయస్సు 18 ఏళ్లు

గరిష్ట వయసు 45 ఏళ్లు

పాలసీదారునికి జరగరానిది జరితే వార్షిక ప్రీమియానికి 7 రెట్లు అధికంగా ఆర్థిక సాయం ఉంటుంది

మరణించే వరకు చెల్లించిన మొత్తం ప్రీమియానికి 105 శాతం లభిస్తుంది.

సింగిల్ ప్రీమియం పై అయితే 125 శాతం ఎక్కువ లభిస్తుంది.

పాలసీ టర్మ్ పూర్తయిన తర్వాత ఎలాంటి మెచూరిటీ ప్రయోజనాలు ఉండవు

ఎల్ఐసీ యువ క్రెడిట్ లైఫ్, డిజి క్రెడిట్ లైఫ్

ఎల్ఐసీ యువ క్రెడిట్ లైఫ్, డిజి క్రెడిట్ లైఫ్ నాన్ పార్, నాన్ లింక్డ్, లైఫ్, ఇండివిజువల్, ప్యూర్ రిస్క్ ప్లాన్. ఇది పూర్తిగా తగ్గుతున్న టర్మ్ అస్యూరెన్స్ ప్లాన్. ఇందులో పాలసీ వ్యవధిలో డెత్ బెనిఫిట్ క్రమంగా తగ్గుతుంది.

పాలసీలో చేరేందుకు కనీస వయసు 18 ఏళ్లు

గరిష్ట వయసు 45 ఏళ్లు

సమ్ అష్యూర్డ్ రిబేట్ అధికంగా ఉంటుంది.

మహిళలకు ప్రీమియం తక్కువగా ఉంటుంది.

పాలసీ టర్మ్ పూర్తయిన తర్వాత ఎలాంటి మెచూరిటీ ప్రయోజనాలు ఉండవు.

ఎక్స్ క్లూజివ్ గా డెత్ బెనిఫిట్స్, లోన్ రీపేమెంట్ ప్రయోనాల కోసం ఈ పాలసీలను ఎల్ఐసీ తీసుకొచ్చింది