PRC News:ఏపీ సచివాలయంలో ఉద్యోగ సంఘ నేతలు భైఠాయింపు

పీఆర్సీ నివేదికను బహిరంగపరిచే వరకూ కదలబోమంటూ ఏపీ సచివాలయంలో ఉద్యోగ సంఘ నేతలు భైఠాయించారు. అయితే వారు లోపల కాకుండా రెండో బ్లాక్ ముందు ఉన్నరోడ్డుపై కూర్చున్నారు.ఈ రోజు పీఆర్సీ నివేదిను వెల్లడిస్తామన్నారని.. అది వెల్లడించే వరకూ తాము వెళ్లబోమన్నారు. అయితే వారికి సమాధానం చెప్పడానికి ఉన్నతాధికారులు ఎవరూ సచివాలయంలో లేరు. చీఫ్ సెక్రటరీ కూడా లేరు. ఉద్యోగ సంఘాల నేతల ఆందోళన గురించి తెలిసిన సీఎస్ సమీర్ శర్మ.. పీఆర్సీ నివేదిను బహిరంగ పరిచేందుకు అనుమతి కోసం. ముఖ్యమమంత్రి క్యాంపుఆఫీస్ కు వెళ్లారు.

      సచివాలయంలో బైఠాయించిన వారిలో బొప్పరాజు వెంకటేశ్వర్లు, బండి శ్రీనివాసరావు , నక్క వెంకటేశ్వరరావు, KSS ప్రసాద్, SP మనోహర్ కుమార్ తదితర నాయకులు ఉన్నారు. వారందర్నీ వెళ్లిపోవాలని పోలీసులు ఒత్తిడి చేస్తున్నారు అయితే వారు మాత్రం అక్కడి నుంచి కదలబోమని అంటున్నారు. గత నెలలో ఓ సారి ప్రభుత్వ ముఖ్య సలహాదారు సజ్జల రామకృష్ణారెడ్డి అక్టోబర్ నెలాఖరు కల్లా పీఆర్సీ సమస్యను పరిష్కరిస్తామని చెప్పారు. కానీ అలాంటి ప్రయత్నం ఏదీ చేయలేదు. దీంతో వారు ధర్నాకు దిగారు.